Një grup trafiku i marijuanës nga Shqipëria dhe i kokainës nga Kalabria për në Katania është shkatërruar nga policia e Italisë. Lajmi bëhet i ditur nga mediat italiane sipas të cilave dy kanalet e drogës ishin pjesë e një organizate kriminale që operonte në San Cristoforo.
Sipas mediave italiane në prangat e policisë kanë rënë 19 persona pjesë e trafikut të drogës, ndërsa aksioni është zhvilluar në orët e para të mëngjesit. Mediat italiane raportojnë për një grup të strukturuar narkotrafikantësh ndërsa nuk bëhet ende i ditur identiteti i tyre.
