Trafik droge me avion, 11 të arrestuar në Itali dhe Shqipëri
Një linjë e mirëfilltë transporti droge është zbuluar në Itali. Avionë të vegjël ngarkoheshin me drogë në Vlorë dhe e transportonin më pas matanë Adriatikut kryesisht në Brindisi dhe Rimini. Në pranga kanë përfunduar 11 persona 4 prej të cilëve janë prangosur në Vlorë dhe 7 në Itali.
Operacioni “Free flight”
Policia e Shtetit në bashkëpunim me policinë italiane ka shkatërruar një grup që trafikonte marijuanë nga Shqipëria në Itali. Gjatë operacionit të koduar “Free flight”, janë arrestuar shtatë persona në Itali dhe katër të tjerë në Shqipëri.
Ky grup trafikonte drogë nga Vlora për në dy qytete italiane, Brindisi dhe Rimini. Gjatë operacionit, policia italiane sekuestroi 350 kg marijuanë, e cila ishte transportuar me një avion të vogël të verdhë.
Si policia shqiptare ashtu edhe ajo italiane pritet të mbajnë konferencë për shtyp ku do të publikojnë të dhënat mbi këtë operacion të përbashkët.
