Dy shqiptarë janë arrestuar nga policia italiane në Cremona, të cilët akuzohen për trafik droge, armësh, dhe shfrytëzim prostitucioni.
Mediat italiane bëjnë me dije se shqiptarët janë identifikuar me inicialet S.A., 34 vjeç dhe T.E., 33 vjeç.
Policia realizoi kontrolle në apartamentet e tyre ku u zbuluan sasi hashashi dhe kokaine. Si edhe dy pistoleta.
Respketivisht policia i gjeti shtetasit S.A., një pistoletë të tipit “Browing” kalibër 7.65 me numrin e serisë të fshirë, si dhe një karikator të mbushur me 5 fishekë.
Arma u gjet në tubat e ajrosjes në banjo, e fshehur pas lavatriçes, ndër të tjera u gjendën edhe 200 gram marijuanë të paketuara në qese termike të fshehura nën çatinë e banesës.
Në shtëpinë e S.A,. u gjetën edhe pajisjet që bënin të mundur rritjen dhe përpunimin e lëndëve narkotike, të cilën e kultivonin edhe në banesë.
Ndërsa gjatë kontrollit të banesës së 33-vjecarit T.E u gjet 1 kg e 200 gr mariuanë e futur në disa bidona plastikë poshtë tavolinës së kuzhinës.
Lënda narkotike ishte e përzier me substanca alkoolike që të shtonin cilësinë e drogës.
Hetimet në ngarkim të dy shqiptarëve kishin filluar kohë më parë, nsiur edhe nga precedentët e mëparshëm që ata kishin si dhe lëvizjet e shumta rreth banesave të tyre.
Dy shqiptarët janë dërguar në burgun e Cremonas nën akuzën e trafikut dhe shpërndarjes së drogës dhe posedimin e armëve, ndërsa akuzohen edhe për shfrytëzim prostitucioni./a.m.
