Tradhtia e domosdoshme për artistët?!
Problemet martesore dhe tradhtitë, i kanë përjetuar shumë yje të famshëm. Por disa prej tyre kanë arritur ta ruajnë martesën, edhe pasi është zbuluar se kanë tradhtuar bashkëshortet e tyre. Çifti i njohur David dhe Victoria Beckham, janë martuar në vitin 1999 dhe sot martesa e tyre duket më e qetë se kurrë. Por jo gjithmonë ka qenë në rregull në martesën e tyre.
David-in disa herë e kanë akuzuar për afera me vajza tjera, por tradhtia më e madhe ka ndodhur në vitin 2004, kur asistentja e tij personale Rebecca Loos, u ka thënë medieve se me futbollistin ka pasur lidhje seksuale. Si dëshmi ka treguar mesazhet që ia kanë dërguar njëri-tjetrit. Por çifti insistonte se Rebecca po gënjente dhe thonin se kjo vetëm sa e ka forcuar martesën e tyre.
Sarah Jessica Parker dhe Matthew Broderick janë në martesë nga viti 1997, por edhe ata kishin probleme. Broderick në vitin 2008 është akuzuar se ka tradhtuar Jessica-n me femra të reja derisa ajo ishte zënë me xhirimet e filmit “Sex and the City”. Por çifti është ende bashkë dhe bashkë kanë dy fëmijë. Nicole Kidman dhe Keith Urban janë martuar në vitin 2006, por jeta e tyre martesore nuk ishte aq e mirë. vetëm disa muaj pas martesës së tyre, ish dashnorja e Keith-it, Amanda Wyatt, kishte deklaruar se këngëtari e ka tradhtuar Nicole-n.
Por çifti ka tejkaluar mosmarrëveshjet dhe ende janë bashkë. Pink dhe Carey Hart janë martuar më 2006, por tri vite më vonë, ata ishin ndarë përkohësisht, pasi ishte zbuluar tradhtia e Hart me një femër. Por Pink ia ka falur dhe janë bashkuar sërish. Fergi dhe Josh Duhamel janë në martesë nga viti 2009, por vetëm një vit më vonë, është zbuluar se aktori e kishte tradhtuar me valltaren erotike Nicole Forrester. Por kjo tradhti jo vetëm që nuk e ka tronditur martesën e tyre, por e kishte bërë edhe më fortë, duke u martuar edhe njëherë dhe më pas janë bërë prindër të një djali.
