Kapiteni historik i Roma-s, Francesco Totti, me shumë mundësi do ta mbyllë karrierën si futbollist këtë verë.
Numri 10 ka dy dekada që është një personazh me shumë rëndësi për klubin verdhekuq, por mosha ka bërë të vetën dhe rendimenti i tij ka ardhur në rënie, duke bërë që edhe tifozeria të ndahet, mes besnikëve të tij dhe atyre që duan rinovim skuadre.
Tani duket se presidenti James Pallotta ka vendosur t’i japë fund dilemës dhe kapitenit nuk do t’i ofrohet rinovimi.
Sipas mediave italiane, Totti-t i është ofruar një rol drejtuesi në klub për të mos ndërprerë në mënyrën më të keqe marrëdhëniet, por sulmuesi dëshiron të vazhdojë edhe disa vjet si lojtar dhe destinacioni i tij mund të jetë larg Serie A.
Në fund të sezonit, drejtuesit kanë vendosur të diskutojnë më konkretisht me sulmuesin që me Romën ka fituar 1 kampionat, 2 Kupa Italie, 2 Superkupa, me 241 gola të shënuar në rreth 20 vjet karrierë.
Redaksia Online
(Javanews.al)
