Francesco Totti sot feston 40-vjetorin dhe urimet për të janë të shumtë. Vazhdon të jetë protagonist e të shënojë, duke i mahnitur të gjithë me forcën dhe dëshirën që shfaq në fushë. Ja disa nga urimet që ka marrë për ditëlindje:
Alessandro Florenzi: Përshëndetje kapiten, jemi këtu për të festuar, si prej shumë vitesh, ditëlindjen tënde. Ende na befason. Për mua je thjeshtë Francesco, një mik i madh në gjithçka. Të dua shumë kapiten, të përqafoj fort.
Antonio Rüdiger: Këto janë dyzet vitet e njërit prej lojtarëve më të mëdhenj të të gjitha kohëve. Shumë urime, Kapiten.
Daniele de Rossi: Shumë urime, të dua shumë miku im.
Stephan El Shaarawy: I lumtur e i nderuar që të jap urime si shok skuadre.
Iker Casillas: Gëzuar 40-vjetorin një legjende të Romës si Totti.
Andrea Pirlo: Urime për 40-vjetorin, edhe pse larg, të shoh që vazhdon të shënosh gola e të argëtohesh. Shumë urime, të përqafoj.
Fabio Cannavaro: Të përqafoj fort e shumë urime. Përshëndetje 40-vjeçar.
Fernando Torres: Jam i bindur që në Romë e dinë se sa me fat janë që të kanë në skuadër. Të uroj gjithë të mirat kapiten. Gëzuar ditëlindjen.
Leo Messi: “Ciao Francesco! Gëzuar ditëlindjen. Të kam admiruar gjithmonë, edhe më tepër ditën kur të kam njohur. Të përqafoj fort.
Javier Zanetti: Jemi ndeshur në shumë sfida, gjithmonë ke treguar se je kampion i madh, brenda e jashtë fushe. Jam krenar që të kam pasur kundërshtar, por sidomos që të kam njohur. Shumë urime për 40-vjetorin.
Antonio Cassano: Miku im, u bëre 40 vjeç, mund të luash pa problem edhe për pesë të tjerë. Jam i lumtur dhe krenar për ty.
Alessandro Gassman: Urime kapiten, forca Roma.
Carlo Verdone: Franceschino, urime. 40 vjeç? Ti je prej mermeri. Je gjithçka për këtë qytet, për këtë qytet të varfër. Vështroj majtas e shoh gropa, vështroj djathtas e shoh plehra, vështroj para meje dhe shoh të madhin Francesco Totti. Francè, të dua!
Massimo D’Alema: Urime kapiten, me admirim dhe mirënjohje të madhe.
Novak Djokovic: “Ciao kapiten, ciao princ i Romës. Urime për 40-vketorin, je një idhull, mbresëlënëse ajo që ke bërë në karrierën tënde. Respekt, bravo.
Rafa Nadal: Urime për 40-vjetorin. Të përqafoj.
Usain Bolt: Dua të të uroj përvjetorin, një legjendë te tjetra. Ishte nder për mua kur të kam takuar.
AC Milan: Gëzuar ditëlindjen Francesco Totti.
Aurelio de Laurentis: I maaaaaadh. 40 vjet për t’u kujtuar dhe rinovuar. Urime Francesco!
Kombëtarja Italiane: Gëzuar ditëlindjen të madhit Francesco Totti, i cili sot mbush 40 vjeç.
UEFA: Gëzuar 40-vjetorin legjendës së Romës, Francesco Totti!
d.i.
