Thashethemet mbi ndarjen e Ilary Blasi dhe Francesco Totti nuk ndalen. Ndërsa ish-lojtari i Romës prej ditësh është në shoqërinë e “flakës” së re Noemi Bocchi, po flitet për lidhje të fshehta edhe të prezantueses së “Mediaset”.
Ose më mirë të mesazheve komprometuese që “Pupone” do të kishte gjetur në celularin e tashmë ish-bashkëshortes. Sipas “Corriere della Sera”, personi i tretë që kishte hyrë mes tyre e ka emrin Antonino Spinalbese, ish-stilisti 27-vjeçar i flokëve, i cili u bë i njohur për shkak të marrëdhënies së tij me Belen Rodriguez.
“Versionet e ndryshëm ndjekin njëri-tjetrin midis Romës dhe Milanos, – thotë gazeta. – Si ky: njeriu misterioz që i dërgoi mesazhe komprometuese Ilary, i zbuluar më vonë nga Francesco, ishte pika e fundit e një kavanozi të mbushur me keqkuptime, që do të derdhej.
Fjala është për Antonino Spinalbese, stilisti i flokëve, model dhe influencues milaneze (në garë për VIP-in e radhës në ‘Grande Fratello’), më herët në lidhje me Belen Rodriguez, nga e cila, një vit më parë solli në jetë vogëlushen Luna Marì”.
Për momentin as Ilary dhe as Antonino nuk i kanë komentuar këto thashetheme. Kohët e fundit, megjithatë, Spinalbese u kap, mes puthjeve dhe përqafimeve, së bashku me një “flakë” të re të supozuar, stilisten Giulia Tordini. I riu, i cili nuk ka ruajtur një marrëdhënie të mirë me Belen, pavarësisht së voglës Luna Marì, është në garë për të hyrë në shtëpinë “Big Brother VIP” në shtator.
/a.r
