Tottenham Hotspur është afër transferimit të mesfushorit Marcelo Brozoviç nga Interi.
Londinezët sivjet nuk kanë realizuar asnjë transferim dhe kjo ka shqetësuar menaxherin Mauricio Pochettino. Sipas gazetës italiane “Corriere dello Sport”, mesfushori kroat mund të jetë përforcimi i parë i Tottenhamit.
Burimet i kanë thënë gazetës se Interi është shprehur i gatshëm për shitjen e 25-vjeçarit për të krijuar fonde për plane tjera në tregun e transferimeve.
Brozoviç shihet nga Pochettino si zëvendësur i Moussa Dembeles që pritet të largohet nga Tottenhami.
Brozoviç në 112 paraqitje për Interin ka shënuar 18 gola dhe ka realizuar 19 asistime, përgatiti Koha. (b.an)
