Presidenti i Real Madridit, Florentino Perez është i gatshëm të përfshijë dy lojtarë në ofertën e tij të ardhshme për yllin e Tottenhamit, Harry Kane.
Sulmuesi anglez ka befasuar të gjithë me rendimentin e tij të treguar në tri sezonet e fundit.
Golat e tij të shumtë, por edhe loja e mirë dhe ekipore ka bërë që shumë skuadra të vihet pas shërbimeve të tij, ku më të interesuarit besohet të jenë madrielnët.
Gjiganti spanjoll thuhet se ka që një kohë të gjatë në radar anglezin, teksa mendohet se kanë bërë edhe ofertë zyrtare për shërbimet e tij.
U zbulua këtë javë që presidenti i Tottenhamit, Daniel Levy, ka hedhur poshtë një ofertë prej 160 milionë eurosh plus 40 milionë euro tjera bonuse nga Perez për yllin e Anglisë.
Sipas mediumit Don Balon, Perez heziton të shkojë kaq lart dhe në vend të kësaj do të kthehet në tavolinë me një ofertë këmbimi para plus lojtarë.
Dy lojtarët që do të përfshihen në propozimin e tij janë sulmuesi Karim Benzema dhe mesfushori Mateo Kovacic.
Kuptohet, veçanërisht Kovacic është një lojtar që i intereson shumë Levyt dhe menaxherit të Spursave, Mauricio Pochettino, pasi edhe më parë e kanë kërkuar./a.m.
