Ish-Presidenti i Shqipërisë, Bamir Topi, e cilësi si kaotike gjendjen politike në Shqipëri. Topi foli në Asamblenë Kombëtare të Partisë Fryma e Re Demokratike.
“Kemi qenë më shumë vrojtues të kësaj politike, ose këtij show politik, sepse ka kohë që politikë nuk bëhet në Shqipëri. Absolutisht. Kemi show politik, sofistikim të politikës nga aktorë të politikës. Dikujt i vjen kjo mënyrë sjelljeje nga retrospektiva e sjelljes së tij politike, dikujt sepse kështu duhet ta luajë lojën politike, dikush nga halli për të ruajtur stabilitetin politik. Kaos politik. Shqipëria po kalon një situatë të një kaosi politik. Dikush thotë politika po ecën normalisht, dikush thotë se ka qenë si në të gjitha vitet e tranzicionit”, tha Topi.
Duke folur në lidhje me procesin e dekriminalzimit, Topi tha se ai “duhet të nisë në radhë të parë nga partitë politike”.
