Në emisionin ‘Pikat mbi i’ në News24, ish presidenti Bamir Topi komentoi situatën politike në vend kryesisht në partinë Demokratike.
Sa i takon ultimatimut të ish kryeministrit Berisha ndaj kreut aktual të PD, për të liruar zyrën deri më datë 5 janar, Topi u shpreh në analizën e tij se asgjë nuk ka për të ndodhur
“Në një analizë më të hollësishme më duket sikur data 21 e kalendarit e eksiton Berishën. Kam parasysh 21 prillin 2018, pastaj ngjarjen e dhimbshme të 21 janarit që e coi në një situatë të mjeruar, për të ardhur te 21 dhjetori.
Gjuha e tij njihet, por besoj se me kalimin e kohës, vjen e venitet. Ia njoh vetes ‘luksin’ te analizon mënyrën e sjelljes së Berishës. Ku është i vërtetë ku e përdor frazën për një proces tjetër. Edhe këtu e përdor për të kamufluar presionin politik. Asgjë nuk do ndodhë. Besoj që në konjukturën e komunikimit politik me ndërkombëtarët, Berisha është në ditën e tij më të keqe. E kam thënë edhe më parë që partnerët strategjikë janë shumë të fuqishëm. Nuk bëjnë betja me individin, por e përmendin kur i duhet.
Shkon për fate të një vendi që s ka opozitë. Kryeministri i një vendi është vetë Zot vetë shkop. Gjithmonë ka një lloj instrumenti tjetër Këtu kemi një monarki absolute. Vëmendja amerikane shkon përtej këtij individi. Shohin që opozita është në një standard sjellje dhe fati i opozitës, është maxhorancë e së nesërmen, por a e premton kjo opozitë sot. Rama sot s’mund të ishte kurrë me mandat të tretë, nuk di si e mori.
Duke qenë objektiv mendoj se bashkë me opozitën maxhoranca, është një format për të mos u dëshiruar. Ndaj shkojmë në ato situata si ndodhi dje e pardje. Në Shqipëri duhet ta pranojmë se janë 11 shërbime të huaja aktive. A ka më të lehtë për një shërbim të huaj, t’i marri të dhënat kaq thjesht. Është një vend që duhet të na shqetësojë. Jemi vend i NATO-s, dhe presupozohet të kesh disa standarde bazë. Këtu po qarkullojnë edhe informacione që klasifikohen top sekret.”-u shpreh Topi./m.j
