Nuk pati asnjë surprizë. U zhvillua mbrëmjen e sotme në Paris të Francës, ceremonia e “Topit të Artë”, çmimi i përvitshëm që jepet nga revista “France Football”, ku 173 gazetarë nga e gjithë bota kanë votuar për lojtarin më të mirë të vitit.
Parashikimet ishin të mëdha që fituesi të ishte Luka Modriç, duke lënë pas në podium Kristiano Ronaldon dhe Antuan Grizman. Kroati mendohej të ishte i pari që do të thyente hegjemoninë 10-vjeçarë të Ronaldos dhe Mesit në këtë çmim individual, ku të dy e kanë fituar nga 5 herë. I fundit para tyre, ka qenë Kaka që e ka fituar këtë çmim.
Kurse fituesja e çmimit të “Topit të Artë për Femra” është Ada Hegerberg, sulmuesja e Olimpikut të Lionit në Francë. Kjo është hera e parë që jepet një Top i Artë për femrat.
