Ish-kryetarja e Parlamentit, Jozefina Topalli ka reaguar sot në facebook pas kalimit që ligji i Arsimit të Lartë dje në Komisionin e Ligjeve.
Topalli e cilëson këtë ligj si shkatërrues për universitetet dhe nga ana qeverisë e cilëson si tinëzare mënyrën e futjes në axhendën e parlamentit.
“Projekligji per Arsimin e Larte eshte per t’u hedhur ne Bune!
Ne menyre tinzare ligji per Arsimin e Larte eshte futur ne axhenden e Parlamentit gjate kohes se zgjedhjeve vendore,por edhe ne komisione ne shkelje te ligjit te Parlamentit!
Ky ligj ne fakt eshte paralajmeruar prej nje viti.
Ky ligj eshte shkaterrimi i Universiteteve.Ai nuk synon studentin dhe cilesine e tij, por fitimin e parave nga disa grupe interesi.
Ai kthen universitetet ne korporata qe i imponohen politikes .
Ne vende te tjera kur behen reforma ne kete fushe, (dhe jo si tek ne qe rrenohet ai) protestat nuk ndalen.
Opozita duhet ti dale zot me force te drejtave te studentit, pedagogeve, cilesise se shkolles e dijes. Ky eshte nje ligj klientelist.Asnje model ne Europe nuk perafrohet askund me kete pazar-ligj!
Ky ligj duhet hedhur ne kosh ! Ky nuk mund te trajtohet si nje ligj cfaredo. Aty vihet ne loje e ardhmja e te rinjve!
Me kete ligj universiteti trajtohet si ndermarrje qe edhe i nenshtrohet ligjit te falimentit.
E pastaj shteti te laje edhe duart si Pilati!
Ky ligj eshte per t’u hedhur ne Bune!”, shkruan Topalli në facebook.
