Jozefina Topalli mori fjalën në Kuvend duke thënë se mazhoranca e ka ‘shukriun’ në çdo zyrë të shtetit. Topalli reagoi ashpër edhe për aksidentin në Golem, ku humbën jetën dy fëmijë.
“Ju nuk keni ndjeshmëri sa i përket rastit. Por ju i kishit futur në burg babanë, ndërsa për shkak të korrupsionit ishte hequr mbrojtësja përball karburantit” – tha Topalli.
Ish-kryetarja e Kuvendit foli për denoncimin e Blushit. Ajo tha se është kërcënuar një politikan, pavarësisht ngjyrave politike.
“Unë nuk e kam problem pse Ben Blushi është socialist. Madje një luftëtar i paepur kundër Sali Berishës dhe PD. Një gazetar, një deputet, një ish-ministër i shtetit shqiptar, është kërcënura. Por, Rama heshti për pyetjen e Blushit nëse quhet Elvis apo Ervin. Ky Mark Frroku ishte me ne apo me ty në koalicion? Ky Armando Prenga ishte në listën tonë, apo tënden? Sapo është arrestuar një drejtor administrate në Itali, Aleksandër Çela. Drejtor në Korçë dhe akuzohet për traifikun e sirianëve…” – tha Topalli.
(javanews.al / r.a)
