Nuk mund të rrimë brenda së bashku me krimin. Kështu u shpreh deputetja e Partisë Demokratike Jozefina Topalli e pyetur nga gazetarët, nëse po e konsiderojnë mundësinë e dorëzimit të mandatit. Topalli tha se ëhstë në dilemë nëse duhet të largohet nga Parlamenti i inkriminuar apo të përballet aty ballë për ballë me krimin.
“Më kalon nëpërmend që është e pamundur që të rrijë një njeri në Parlament pranë kriminelëve, dhe nga ana tjetër mendoje që ëhstë më mrië të rrish aty për tu përballur me krimin. Unë mendoj se lufta me krimin është shumë e vështirë dhe kërkon sakrifica. Vendi është në udhëkryq dhe opozita ka detyrë themelore. Është një situatë e paimagjinueshme. Është një krizë e parlamentarizmit, është një degradim. Kemi arritur në një situatë që asgjë nuk vlen më, pas folur pastaj për faktin që nga një anë kemi mjerim dhe papunësi të frikshme, një eksod që arrin përmasa biblike dhe nga ana tjetër kemi një grup miliarderësh të fortifikuar nga një grup kriminelësh. Kur unë drejtoja Parlamentin nuk kishim kryeministër që fuste kriminelë në Parlament. Armandon dhe gjithë Armandot e tjerë i ka futur Edi Rama. Shqipëria është në udhëkryq. Është më mirë në vend të kryeministrit të qëndronte Armandoja, se kjo është fytyra e vërtetë”, tha Topalli.
Pas deklaratës së Topallit ka reaguar edhe deputeti i Partisë Socilaiste Taulant Balla. Ai tha se Partisë Demokratike i nevojitet një alibi për të bllokuar reformën në drejtësi. Sipas tij, çështja “Prenga” i është lënë në dorë drejtësisë dhe Partia Socialiste është distancuar. Sipas Ballës, nuk mund të ndryshohet ligji për dekriminalizimin sa herë që PD e kërkon, pasi të gjitha propozimet e tyre u morën parasysh dhe ligji u miratua me konsensus.
”U bë e disata herë që PD përpiqet të kthejë avazin e vjetër. Kujtoj edhe nëj vit më parë kur kishte filluar puna për Reformën në Drejtësi. Tani është gati që paketa e reformës të vijë në Parlament. Ne kemi qenë të qartë që në fillim që çështja Armando Prenga i përket drejtësisë, partia Socilaiste është distancuar që në fillim. Të gjithë e dimë që gjyqësorin e drejton Sali Berisha. Por u duhet një alibi për të bllokuar Kuvendin, dhe për të bllokuar Reformën në Drejtësi në emër të një kauze që nuk e kanë. Unë po i pyes ata që quhen deputetë të vjetër që një ligj që sapo është miratuar me konsensus, tashmë është në fazën e implementimit, dhe nuk janë ligjet si ndërtimet pa leje të Kamzës. Ligjet janë ligje që duhen implementuar, ligji për integritetin ka kaluar përmes konsensusit dhe janë marrë parasysh të gjitha propozimet e PD. Këto propozime nuk i kanë pasur atë kohë. Jam i bindur se do sjellin propozime të reja, se ata janë partia e ndërtimeve pa leje”, tha Balla.
