Ish-Kryeministri i Britanisë së Madhe, Tony Blair ka deklaruar se Brexit mund të ndalohet ‘nëse populli britanik vendos për këtë gjë’. Blair gjithashtu kohët e fundit ka zbuluar dhe vendimin për t’u rikthyer në politikë. Gjatë një intervistë për revistën politike dhe kulturore në Britani “New Statesman”, ish-kryeministri i viteve 1997-2007, përsëriti pohimin e tij se dalja e vendit nga BE mund të ndalet.
“Ajo që vazhdoj t’u them njerëzve është se vendimi për të dalë nga BE ishte si të arrije marrëveshje për të shkëmbyer shtëpinë pa e parë shtëpinë tjetër”, u shpreh ai.
Kryeministrja britanike, Theresa May e pyetur për deklaratën e Blair tha me anë të një zëdhënësi të saj se, “Kryeministrja ka qenë shumë e qartë se do të dilet nga BE, këtë vendosi populli britanik”. “Nuk do të ketë asnjë ndryshim nga ky pozicion, do të ecim përpara. Do të përdorimi Artikullin 50 dhe do të dalim nga BE”.
ma.me
