Mesfushori gjerman Toni Kross ka folur përsëri duke goditur. Ai edhe më parë kishte folur për Ligën e Kampionëve, kur kishte thënë për Paris Saint- Germain se nuk mund ta blesh trofeun e Ligës së Kampionëve.
Mesfushori i Real Madrid, Toni Kross beson që të gjithë ekipet që shpenzojnë shumë në fund nuk “mund ta blejnë Ligën e Kampionëve”.
“Nuk mund ta blini Ligën e Kampionëve. Nëse ky do të ishte rast ne nuk do ta fitonin kaq shumë”, tha ai në një konferencë për shtyp kur u pyet se pse Madridi dhe Bayerni janë kaq shpesh në gjysmëfinale.
“Është speciale për një skuadër si Madridi. Ne kemi lojtarë që janë në gjendje të luajnë gjithmonë në nivele tëlarta. Nëse ju keni lojtarë që kanë përvojë, në momente të këtilla ju e dini çfarë duhet të bëni dhe mos ti humbisni nervat.
Kjo është arsyeja se pse ne jemi kaq lart për vite të tëra”, ka thënë Kross.Kross beson se Bayern është përmirësuar gjatë këtij sezoni nën urdhrat e trajnerit të plakur Jupp Heynckes.“Pres një skuadër të fortë.
Është gjysmëfinale e Ligës së Kampionëve. Bayerni është në formë të mirë dhe asgjë tjetër nuk mund të shtojë”, përgatiti ”GazetaExpress”. (b.an)
