Zv.ministrja e Shëndetësisë, Eugena Tomin, tha të premten se masat e ndërmarra së fundmi pritet të japin impakt përtej dy javëve në vijim.
Për emisionin “Java në RTSH”, Tomini shtoi se sado masa të merren, ndërgjegjësimi dhe sjellja e përgjegjshme e popullatës është kyçi për të luftuar Covid.
E pyetur nëse infektimet në shtim do t’i detyronin autoritetet për një mbyllje totale, zv.ministrja u shpreh se mjafton distancimi fizik për të mos arritur deri në një karantinë të plotë.
“Ne jemi në pritje nga laboratori i Londrës për mostrat që kemi dërguar sa i përket riinfektimeve. Ditët në vijim do të kemi një përgjigje nëse ka në vendin tonë mutacione të Covid” – tha Tomini./a.p
