Deputeti i qarkut të Shkodrës Tom Doshi është marrë në pyetje për më shumë se dy orë në zyrën e prokurores Anila Leka, e cila ka nisur një hetim për pasurinë e këtij të fundit.
Doshi ka qenë i shoqëruar nga avokati i tij dhe fillimisht është njohur me aktin e ekspertimit që prokuroria e përgjithshme ka kryer mbi të ardhurat dhe pasuritë e tij.
Doshi me gjithë avokatin kanë dhënë shpjegime verbale dhe kanë dorëzuar disa dokumente justifikuese per shumat monetare dhe pasuritë.
Pasuria e deputetit ka qenën në lupën e hetimit të ILDKPKI që në janarin e këtij viti. Inspektoriati më pas ka bërë një kallëzim për pasuritë e Doshit, teksa tanimë prokuroria ka nisur verifikimet. javanews/ a.k
