Betejën e radhës e ka me Prokurorinë e Përgjithshme, ndërkohë që kërkon nga gjykata të shfuqizojë vendimin e akuzës për mosfillimin e procedimit penal ndaj deputetit të LSI-së dhe njëherazi kreut të Komisionit të Sigurisë Kombëtare, Spartak Braho, raporton sot Gazeta Shqiptare.
Kallëzimi erdhi fill pas publikimit të një letre, që Spartak Braho u kishte dërguar krerëve të disa institucioneve, ku fliste për një skenar për destabilizimin e vendit, me protagonist Tom Doshin dhe ish-deputetin e LSI-së, Dritan Prifti. Pas shqyrtimit, prokuroria nuk nisi hetime, duke u shprehur se nuk kishte elementë të veprës penale.
Doshi e ka çuar çeshtjen në Gjykatën e Lartë, ku kërkon qe kjo e fundit të urdhërojë prokurorinë për nisjen e hetimeve për Spartak Brahon. Mësohet se seanca e radhës do të jetë më 3 shkurt.
