Deputeti Tom Doshi dhe ish kolegu i tij demokrat Ndriçim Babasi kanë mundur t’i marrin lokalin këngëtares Rovena Dilo. Kjo gjë është vendosur nga ana e Gjykatës së Tiranës. Në vendimin e gjyqtarit Fatri Islamaj, thuhet se Dilo duhet t’i dorëzojë Doshit dhe Babasit, lokalin me emrin “Rovena” që ndodhet në zemër të ishBllokut, me një sipërfaqe 887 metrash.
Në vendim thuhet se Dilos i takon të mbajë vetëm 20.3 metra katrorë. Këngëtarja Rovena dilo prej disa muajsh është në konflikt me Doshin dhe Babasin për këtë çështje. Disa të afërm të saj ia kanë shitur pronën pikërisht Doshit dhe Babasit, por Dilo nuk është dakord. Ajo e ka dërguar çështjen në prokurori, për hetime. Por, ndërkohë, sipas vendimit të Gjykatës së Tiranës, tashmë ajo duhet ta dorëzojë lokalin.
