Tom Cruise nuk kryen vetëm misione të pamundur, por edhe jep intervista të pamundura. Ylli i kinemasë ishte në New Orleans për arsye pune dhe aty ka ndjekur edhe ndeshjen e futbollit amerikan për kampionatin e kolegjeve, midis LSU Tigers dhe Floridës. Gjatë ndeshjes, Tom shkoi në banjon e burrave për të urinuar dhe aty pranë pati edhe reporterin e “The Advocate”, Ross Dellenger. Ky i fundit përfitoi nga rasti dhe i bëri pyetje për ndeshjen, të cilave aktori iu përgjigj.
Dellenger shkroi në Twitter se Tom Cruise, “gjatë urinimit së bashku” i kishte thënë se ndeshja e parë e fubollit të kolegjeve për të ishte “për t’u mbajtur mend. Emocionuese. Gjithçka tjetër venitet para saj”.
