Shoqata e avokatëve penalistë ngrenë shqetësime sa i takon situatës problematikë në sistemin drejtësisë. Kreu i saj Sajmir Vishaj thotë se 300 avokatë kanë emigruar në Gjermani ndërsa paralajmëron propozime për ndryshime në ligjet e reformës.
Avokatët penalistë zgjodhën 5 togat e arta për vitin 2022, juristët e spikatur të këtij viti.
Megjithatë situata edhe në këtë hallkë të rëndësishme të sistemit të drejtësisë duket problematike.
“Është për të ardhur keq, unë kam marrë vesh dje 300 avokatë dje ku 300 avokatë lënë profesionin e tyre për të shkuar në Gjermani.
Titulli avokat fitohet me vështirësi, nuk mund të punojmë rrugëve të botës.”- theksoi Saimir Vishaj.
Vonesat e zvarritjet e proceseve gjyqësore nga mungesa e gjyqtarëve por edhe probemet e tjera janë çështje që shqetësojnë avokatët.
“Reforma në drejtësi na dha shumë shpresë por nuk po ecën. Unë e kam ndjekur me vëmendje dhe e shoh hap pas hapi zhvillimin e saj por nuk po ecën.
Janë të trembur dhe të blerë. Lufta kundër krimit dhe korrupsionit nuk është e lehtë.”- tha avokati Spartak Ngjela.
Ndër 5 avokatët që fituan togën e artë 2022 ishte dhe profesor Ismet Elezi, sot 102 vjeç i cili njihet si një ndër themeluesit e kriminologjisë shqiptare./m.j
