Gjykata e Tiranës ka dënuar një person i cili akuzohet për ngacmim seksual ndaj një të miture. Bëhet fjalë për shtetasin me inicilet A.Gj. i cili rezulton përsëritës i kësaj vepre penale. Ai është dënuar me 7 vite burg referuar vendimit që posedon Java News. Por, edhe pse ai rezulton përsëritës i kësaj vepre të rëndë, konsumuar ndaj të miturve, Gjykata ka aplikuar procedurën e gjykimit të shkurtuar duke i ulur 1/3 e dënimit.
A.Gj. ka pranuar para trupit gjykues veprën penale për të cilën akuzohej, duke shprehur pendesë. Ky person, ka ngacmuar seksualisht një nxënëse në një shkollë 9-vjeçare në kryeqytet. Ai është arrestuar në kushtet e flagrancës teksa kryente veprime të turpshme ndaj një të miture. Ky shtetas, u prangos nga një patrullë policie që po kalonte aty pranë.
Dëshmia në gjyq
A.Gj. ka pranuar veprën penale para gjykatës. Ai tha se atë ditë, po mblidhte kanaçe si zakonisht pranë shkollës 9-vjeçare. Aty ka parë disa nxënse që po dilnin nga shkolla dhe ka filluar të ngacmojë me fjalë njërën prej tyre. Më pas, ai ka tentuar të kryejë veprime të tjera dhe ta prekë. Vajza e frikësuar ka nisur të kërkojë ndihmë.
Ndërkohë, pas thirrjeve të vajzës, aty ëhstë afruar një patrullë policie. Oficerët kanë bërë ndalimin në flagrancë të shtetasit A.Gj. Ai ëhstë shoqëruar në komisariat ku ka pranuar krimin e kryer./Java/a.m.
