Në mesin e viktimave dhe të plagosurve nga sulmi me armë në lokalin e natës në Stamboll ishin edhe tre persona me origjinë shqiptare. Konkretisht, një i vdekur dhe dy të plagosur, raporton agjencia ‘Presheva Jonë’, ndërsa nuk janë bërë të ditur emrat e tyre. Ata janë shtetas të Turqisë por me origjinë shqiptare. Nga sulmi i armatosur natën e ndërrimit të viteve 39 persona mbetën të vrarë dhe 69 u plagosën. Sulmi është konsideruar terrorist, ndërsa autori është ende në kërkim nga policia. Shumë prej viktimave janë shtetas me origjinë të huaj.
Detajet e reja/ Sulmesi i Stambollit nuk erdhi si ‘babagjysh’
Kryeministri i Turqisë Binali Yıldırım ka vizituar dje personat e plagosur gjatë sulmit terrorist në një klub nate në Stamboll.
“Terrori nuk mund të na frikësojë. Nuk mund të na prishë vëllazërinë, unitetin dhe bashkërinë. Terrori nuk mund të në trembë ne, përkundrazi ne e trembim atë” ka thënë Kryeministri Yıldırım dhe në vijim ka shtuar:
“Dëgjoj sa djathtas majtas se personi ka ardhur i veshur si babagjysh dhe ka sulmuar. Një gjë e tillë nuk është e vërtetë. Ai ka ardhur i armatosur. Si një terrorist”, raporton Anadolu Agency (AA).
“Terrori është problem i përbashkët i njerëzimit”
Duke vënë në dukje se terrori është një problem i përbashkët i njerëzimit, Yıldırım në vijim të fjalës së tij ka thënë: “Turqia prej kohësh është duke luftuar pas asnjë kompromis kundër terrorist të brendshëm dhe të jashtëm. Kundër FETÖ-s dhe kundër DEASH-it. Normalisht që e dimë se do të ketë reagime. Por përballë terrorit nuk do të gjunjëzohemi kurrë.”
Ndërsa duke dhënë detaje mbi sulmuesin, Kryeministri Yıldırım ka thënë se ai ka lënë armën dhe është larguar duke përdorur kaosin e momentit. Ai ka vënë në dukje se forcat e sigurisë janë duke punuar me përpikmëri për evidentimin dhe kapjen e autorit të ngjarjes.
Në lidhje me identitetin e agresorit Kryeministri turk tha: “Kanë nisur të marrin formën e vet mundësitë e identitetit të agresorit. Të gjitha forcat e sigurisë janë duke punuar. detajet do ti ndajmë me opinionin publik sapo të jenë të qarta.”
“Terrori nuk ka fe. Terrori është në çdo vend terror”
“Duhet të dihet që ky sulm terrorist që ndodhi sot këtu një ditë tjetër mund të ndodhë edhe në një vend tjetër. Nuk ka asnjë garanci për këtë. Për këtë arsye asnjëherë nuk mund të themi që ky vend është i sigurt ndërsa ky tjetri është i kërcënuar. Vetëm pak ditë më parë ndodhi në Gjermani, ndërsa një ditë më parë në Irak. Terrori s’ka as fe dhe shenjtëri. Terrori është kudo terror. Standardi i dyfishtë në luftën kundër terrorizmit nuk të çon në sukses në këtë drejtim.”
ma.me
