E kapën të mërkurën e kaluar gjatë kohës që po bënte një prej krimeve më të shëmtuara që mund të bëhen, po përdhunonte një vajzë 13 vjeçare e cila vuante nga probleme mendore. Dhe si të mos mjaftonte një gjë të tillë po e bënte në sy të djalit që ndodhej në kishën, në New Destiny Christian Center të Apopka, në Florida (SHBA), për të cilën vetë ai kishte kontribuar për ta ndërtuar.
Joseph Averitt, 33 vjeç, i martuar prej dy vitesh u arrestua me akuzën e abuzimit seksual me të miturën me aftësi të kufizuara, së paku shtatë herë. Hera e parë ndodhi verën e vitit të kaluar, pikërisht në kishë dhe herë të tjera në shtëpi.
Një herë mësohet se e ka përdhunuar në makinë, gjatë kohës që gruaja me djalin bënin pazar. E mitura tregoi se disa herë e kishte përdhunuar në shtëpi. Ai u gjobit me 51 mijë dollarë, ndërsa pritet dhënia e dënimit ndaj tij.
