Teatrit Kombëtar të Operas e Baletit nga një ndërtesë e degraduar po kthehet në një tempull të muzikës lirike, baletit klasik me kushte moderne dhe e krahasueshme me skenat evropiane.
Kryeministri Edi Rama ka zhvilluar sot një vizitë në kantierin e Teatrit Kombëtar të Operas e Baletit i cili po kthehen në një tempull të muzikës, siç e cilëson ai një harmonizim perfekt midis gjërat të së shkuar që vlejnë, dhe të rejave që sjellin vlerë të shtuar.
“Një udhëtim në kantierin e Teatrit Kombëtar të Operas e Baletit, nga skëterra e degradimit shembullor tek shembulli i rilindjes së tempullit të muzikës lirike, baletit klasik dhe trashëgimisë popullore”, shprehet Rama.
Gjatë vizitës në kantierin e Teatrit, Kryeministri u informua për të gjitha ndryshimet dhe detajet e punës.
E gjithë godina e Teatrit Kombëtar të Operas dhe Baletit është transformuar si nga akomodimi ashtu dhe garancia e parametrave teknik e profesional të akustikës cilësisë së zërit dhe me një skenë moderne në qendër.
Artistë shqiptar të lënë afro çerek shekulli me “shtëpi” të rrënuar në kushte të mjerueshme ashtu siç i la regjimi komunist, më në fund do ju kthehet dinjiteti për të pasur një ambien siç edhe e meritojnë, për të bërë më të mirën për publikun, dhe pse jo për artin e muzikën shqiptare.
Skena e re do të ketë të montuara teknologjitë e reja që transformojnë krejtësisht skenën në një skenë moderne. Më në fund do të ketë një kualitet të ri me kondicionim nga poshtë që të mos preket cilësia e kualitetit të tingullit.
Po ashtu edhe pjesa e orkestrës e transformuar në një tjetër dimension për t’i dhënë më shumë volum dhe një zhvillim më të mirë të vendosjes së orkestrantëve. Ndërsa gropa e skenës që ka shkuar dy kate nën tokë për më shumë dimension.
Me në fund Teatrit Kombëtar i Operas e Baletit do të kthehet në një formë më klasike duke shtuar dy ballkone anësorë, të cilat jo vetëm do sjellin publikun si një përqasje afër artistëve, por nga aspekti i kualitetit të zërit rrit shumë cilësinë e akustikës së të gjithë auditorit.
Një risi në rikonstruksionin e skenës së Teatrit Kombëtar të Operas e Baletit është ruajtja e pjesëve origjinale të arkitekturës, siç janë dyshemetë.
Skena e vjetër është prishur e tërë dhe punimet kanë mbërritur dy kate nën tokë për të rritur dimensionit dhe të kapacitetit. Kulla ajrore do të jetë super teknologjike për të patur mundësin për skenare nga më të ndryshmit për artistët.
Rikonstruksionit të plotë i është nënshtruar dhe salla e baletit e cilat tashmë është tjetërsuar, pasi është fshehur e gjithë struktura e kondicionimit duke e bërë silencioz për zërin gjatë provave, për të mos shqetësuar artistët. Ka nisur puna për zëvendësimin e pasqyrave. Pjesa ngjitur është salla e vogël e baletit e cila është transformuar tashmë dhe do të ketë një sallë për provat e orkestrës me kualitet zëri shumë të mirë.
Një tjetër ambient i transformuar është dhe salla e provave të artistëve, e cila do të ofrojë komoditet. Të gjithë veshjet janë të reja me teknologji të lartë. Një tjerë ambient është dhe mensa e artistëve që do të jetë krejt ndryshe dhe me një bashkëpunim me skulptorët e Akademisë së Artëve do të ketë mjaftë element të artistik të skulpturuar.
Salla e provave të orkestrës do të jetë e shndërruar në një ambient tërësisht profesional, me karakteristika të afta me skenën. Më në fund do të kenë një sallë me cilësitë teknike të provave.
Edhe salla e lirikës është transformuar, e izoluar nga zhurmat me hapësirë të madhe.
Transformim total edhe për tualetet dhe do të jenë në tërësi 26 të tilla, nga 8 që ishin m♪7 parë.
Edha gardëroba është e tjetërsuar nga një skutë e errët gjithë ndriçim dhe kushte moderne. Edhe dhomat e solistëve do kenë më në fund një ambient dinjitoz, pra do jetë një mikpritje sic e meritojnë artistët.
Nga ana e tij Kryeministri ndërsa ndjek shpjegimet për transformimin e skenës së Teatrit Kombëtar të Operas e Baletit shprehet se kjo qenka kthyer në një spektakël nga një fole që ishte.
/a.rada
