Pa u shuar ende mirë vatrat e zjarrit në Peshtan, një vatër është aktivizuar në Shtyllas. Mësohet se në terren u angazhuan tre zjarrfikëse, ndërsa pranë vatrës ndodhen edhe banesa.
Një nga banorët tregon se është viti i dytë që banesa e tij rrezikohet nga zjarret.
“Ishim në shtëpi, kur dolëm përpjashta, tym nga të katërta anët. I vënë me qëllim që të kullotin bagëtitë, të dalë bari i ri”, u shpreh ai për mediat.
Zjarri ka përfshirë sipërfaqe të konsiderueshme me ullinj dhe ndodhet edhe pranë varrezave. Banorët dyshojnë se zjarrvëniet janë të qëllimshme për të hapur kullota të reja./m.j
