Në prag të nisjes së Lojërave Olimpike Komiteti Olimpik Kombëtar Shqiptar njoftoi se notari kuqezi Sidni Hoxha në bazë të rezultateve dhe kohëve të regjistruara do të konkuronte në dy gara 100 m stil i lirë dhe 50 m stil.
Më datë 9 Gusht ish programuar gara e 100 m , por Hoxha nuk u pa askund, dhe për këtë trajneri personal i notarit shqiptar, Shpëtim Hoxha, i cili njëkohësisht është dhe Presidenti i shoqatës “Tirana Delfina Sport” ku aktualisht bën pjesë edhe 24 vjeçari akuzon përfaqësuesit e Komitetit Olimpik për papërgjegjshmëri dhe neglizhencë, duke qënë se nuk e kanë regjistruar emrin e sportstit për këtë garë në mbeldhjen teknik që i parapriu, pasi në mënyrë të pashpjegueshme nuk kanë marrë pjesë në këtë mbledhje.
Shpëtim Hoxha tha për Ora News: “Sidni nuk ka marrë pjesë jo për fajin e tij pasi në mbledhjen e fundit që është komisioni Teknik që është mbledhja deçizive ku vendosen edhe garat e tjera, Komiteti Olimpik Shqiptar nuk ka qenë pjesëmarrës në këtë mbledhje dhe për këtë arsye në mënyrë automatike Sidni është përjashtuar nga gara 100 metra. Mos pjesëmarrja e tyre në një komision teknik tregon papërgjegjshmëri por dhe pa përvojë. Përbën atë që quhet neglizhencë absolute. Sigurisht që Federata e Notit mban përgjegjësi për dërgimin e një trajneri të papërgjegjshëm i cili nuk kujdeset aspak për cështjet e rezultateve dhe që gjithçka të shkojë mbarë.
Një tjetër skandal sipas Hoxhës ka të bëjë me gabimin e pafalshëm në regjistrimin e kohës olimpike të Sidnit në 50 m stil i lirë, nga 22.93 , ai është regjistruar me kohën 29.93, çka do të bëjë që Sidni ta nisë garën në baterinë më të ulët të këtij kompeticioni.
Shpëtim Hoxha tha për Ora News: Sidni do të notojë në baterinë e parë vetëm për një gabim të administratës së Komitetit Olimpik, për këtë fajësoj ata që kanë shkuar prej dy javësh atje të cilët në vend që të merren me sportistët për tu përfshirë në bateritë më të rëndësishme për të përfaqësuar denjësisht si notin, vetveten por dhe Komitetin Olimpik kanë shkuar dhe nuk merren me këtë cështje
Pavarësisht problemeve të shumta trajneri personal i notarit shprehet se Sidni Hoxha i ka mundësitë të renditet mes 30 më të mirëve në garën e 50 m , çka do të ishte një rezultat fantastik për Shqipërinë
Sidni Hoxha do të prekë pishinën më datë 12 gusht rreth orës 80 m, ku do të konkurojë në të vetmen garë që i ka mbetur, atë të 50 m stil i lirë./a.k
