Për të tretën herë këtë vit, një deputet demokrat i Dhomës së Përfaqësuesve të SHBA paraqiti një rezolutë për shkarkimin e presidentit Donald Trump, i akuzuar për pengesë në hetimin për ndërhyrjet ruse në fushatën e 2016.
Pasi Dhoma kontrollohet nga shumica republikane e presidentit amerikan, rezoluta për momentin nuk ka shanse të miratohet.
“I bëjmë thirrje Dhomës për të nisur menjëherë seancat dëgjimore për shkarkimin e Trump”, deklaroi Steve Cohen, deputet i Tennessee.
Ai akuzon gjithashtu miliarderin për pengim të pavarësisë së gjyqësorit dhe lirisë së shtypit, dhe për përfitim nga funksioni i tij për t’u pasuruar, në sajë të hoteleve.
Rezoluta është mbështetur sipas tij nga pesë kolegë, të gjithë demokratë. Dy rezolutat e tjera janë shfaqur kohë më parë ose janë depozituar zyrtarisht nga deputetët demokratë (Brad Sherman (në korrik) dhe Al Green (në tetor), ky i fundit mbështeste gjithashtu tekstin e Steve Cohen./b.d
