Nuk kanç të sosur rastet e dhunës dhe abuzimit në familje. Një tjetër rast i rëndë raportohet në Tiranë ku babai 60-vjeçar kërcënon me thikë vajzën e mitur dhe e ngacmon seksualisht atë. Po ashtu, 60-vjeçari i arrestuar hunonte vazhdimisht gruan dhe vajzën para se të binte në pranga.
Detajet, si ndodhi kërcënimi dhe ngacmimi seksual
Ushtronte dhunë si dhe e ngacmonte seksualisht, prangoset babai.
Më datë 05.12.2016, Shërbimet e Komisariatit të Policisë Nr 6 , kanë arrestuar në flagrancë shtetasin:
• Stefan P., 60 vjeç, banues në Tiranë.
Ky shtetas, dyshohet se në mënyrë sistematike ka ushtruar dhunë fizike dhe psikologjike ndaj bashkëshortes së tij, shtetases M. P., 43 vjeçe, si dhe fëmijës së mitur V. P.
Rreth orës 18:30, duke qenë nën ndikimin e alkoolit, Stefan P., dyshohet se ka kërcënuar me jetë vajzën e tij me anë të një thike dhe ka qenë ndërhyrja e nënës e cila ka parandaluar ngjarjen.
Gjithashtu vajza e mitur, ka deklaruar përpara Oficerëve të Policisë dhe Psikologes se, i ati i saj vazhdimisht kryente veprime të turpshme, duke i treguar organet e tij gjenitale.
Për M. P. dhe V. P., iu plotësua urdhëri i menjëhershëm i mbrojtjes.
Materialet proceduriale iu kaluan Prokurorisë pranë Gjykatës së Shkallës së Parë Tiranë, për veprat penale të “Dhuna në familje” dhe “Vepra të turpshme”, parashikuar nga Neni 130/a dhe 108 të Kodit Penal./a.m.
