Pas Partisë Demokratike dhe Lëvizjes Socialiste për Integrim edhe artistët që janë kundër prishjes së godinës ekzistuese të Teatrit Kombëtar dhe ndërtimit të një të reje kanë depozituar një letër për presidentin Ilir Meta.
Përmes saj ata kërkojnë që të mos shëmbet godina aktuale për t’u ndërtuar një teatër i ri.
Ata kërkojnë nga Meta që të mos dekretojë ligjin e miratuar në Parlament.
Ndërkohë kërkesa e dorëzuar sot mban firmën e disa grupimeve të ndryshme si: SASE (Sindikata e Artistëve të Skenës dhe Ekranit); Qytetarët për Parkun. Skena e Pavarur Kulturore; Nisma Thurje’ Ne Shqipëria; Aktivistë të Pavarur; Intelektualët e Pavarur; Qytetarë të Lirë. /b.d
