Tjetër humbje për Barçën, mungonte Messi
Barcelona e Luis Enriques u mund 2-1 nga Sevilla, duke regjistruar humbje e dytë radhazi në transfertë, në një ndeshje të vlefshme për La Ligën.
Edhe në këtë takim, katalanasit vuajtën mungesën e Lionel Messit, i cili vazhdon të jetë i dëmtuar. Lojtarët e Barcelonës krijuan disa raste të rrezikshme në pjesën e parë, por pa mundur t’i shndërronin ato në gol.
Në fillimin e së dytës, Krohn-Dehli kaloi vendasit në avantazh dhe pas 5 minutash Iborra dyfishoi rezultatin. Golin e vetëm të Barcelonës e shënoi Neymar me 11-metërsh.
Pas kësaj humbjeje, katalanasit e Luis Enriques mbeten në vendin e 3-të në klasifikim, ndërkohë që të dielën, sfida më interesante e La Ligës do të jetë derbi madrilen mes Atletico Madrid dhe Realit.
