Reali i Madridit është gati të shpenzojë shifra marramëndëse për sulmuesin e Totenhemit, Herri Kejn.
Sipas informacioneve të fundit, kampionët e Spanjës kanë vendosur të shpenzojnë 200 milionë euro, në mënyrë që të firmosin me futbollistin anglez.
Kejn ështe shpallur golashënuesi më i mirë i Premier Ligës në 2 sezonet e fundit dhe 24-vjeçari ka shënuar 6 gola në 7 ndeshjet e fundit në Angli.
Sipas gazetës “Don Balon”, Reali është gati të thyejë rekordin e tyre të transferimeve, në mënyrë që të firmosë me Kejn i cili është në vitet e tij më të mirë të karrierës.
Kejn shihet si zëvëndësuesi i Benzema në të ardhmen, edhe pse francezi sapo ka nënshkruar një kontratë të re me Realin. Kejn ka edhe 5 vite kontratë me Totenhem Hotspurin.
a.ç
