Të shtunën Bayern-i fitoi ndaj Hertha-s së Berlinit dhe hodhi një tjetër hap drejt titullit kampion, por matematika nuk e lejonte ende të festonte.
Megjithatë, një ditë më pas ka ardhur edhe siguria përfundimtare, 4 javë para mbylljes së sezonit, sepse Wolfsburg-u i vendit të dytë u mund 1-0 në Gladbach.
Megjithatë, për momentin Bayern-i ka ndalur çdo festim dhe është shtyrë festa tradicionale në ballkonin e sheshit të qytetit në Marienplatz, aty ky Bayern-i historikisht feston titujt e rëndësishëm, me mijra tifozë dhe transmetim televiziv direkt në gjithë Gjermaninë.
Në fakt, kjo shtyrje feste ka ardhur edhe për faktin se fitimi i titullit kampion tashmë nuk konsiderohet më një arritje e madhe dhe mendjen e kanë të gjithë te Liga e Kampioneve dhe dy gjysmëfinalet e mëdha kundër Barcelona-s.
Edhe pse në lojë është edhe kupa e Gjermanisë, tashmë pyetja e madhe është: a do të fitohet Liga e Kampioneve, duke e bërë sezonin të paharrueshëm, apo do të mbetet një tjetër sezonal normal për Pep Guardiola-n, që ende nuk po arrin të përsëritë sezonin fantastik të paraardhësit të tij Jupp Heynckes, i cili para dy vitesh fitoi çdo trofe të mundshëm.
Redaksia Online
(JavaNews.al)
