Më në fund Bayern-i merr lajme të mira nga stafi mjekësor. Në prag të sfidës së gjysmëfinales së Kupës së Gjermanisë, kundër Dortmund-it, trajneri Pep Guardiola mund të mbështetet në shërbimet e Robben-it dhe Benatia-s, pasi këta të fundit mësohet se janë rikuperuar plotësisht.
Të dy lojtarët kanë zhvilluar stërvitje të plotë me shokët e ekipit, ndaj dhe mund të cilësohen si të gatshëm për sfidën e radhës. Holandezi ka humbur 7 ndeshjet e fundit të Bayern-it, ndërsa Benatia nuk zbret në fushë prej 5 ndeshjesh. Gjithashtu në dispozicion të Guardiola-s do të jenë edhe Rafinha dhe Bernat, ndërsa mungesat e vetme kundër Dortmund-it do të jenë Alaba, Schweinsteiger dhe Ribery.
Redaksia Online
(JavaNews.al)
