Një 35-vjeçar me detyrë inspektor i IKMT-së është vrarë ditën e sotme në një lokal. Ngjarja ka ndodhur ditën e djeshme në Tiranë, ku mësohet viktima është Milazim Shehu 35 vjeç, i cili ndërroi jetë pas mesnate në spital.
Nga të dhënat e para bëhet e ditur se 35-vjeçari është vrarë pasi ka marrë 3 goditje me kaçavidë gjatë një konflikti me djalin e xhaxhait, në një lokal në zonën e Bathores në periferi të kryeqytetit. Inspektori i IKMT-së nuk mundi t’i mbijetojë plagëve që kishte marrë në trup nga goditjet me kaçavidë.
Policia e mbërritur në vendngjarje ka nisur hetimet për të zbuluar motivin dhe autorët e vrasjes. Dyshimet që ka nxjerrë policia nga hetimet paraprake flasin për një konflikt për shkak të detyrës në lidhje me një objekt.
Policia ka identifikuar autorin e krimit. Ai dyshohet të jetë kushëriri i tij, i cili është identifikuar dhe është shpallur në kërkim.
Milazim Shehu, babai i 3 fëmijëve, rezulton gjithashtu të ketë qenë edhe pjesëtar i Forcae Speciale.
