Një person është gjetur i pajetë në liqenin artificial të Tiranës. Sipas policisë, viktima hyri në liqen rreth orës 11.20 sipas sinjalizimeve të kalimtarëve të rastit. Pas afrimit të policisë u konstatua mbytja e tij. Policia identifikoi viktimën, shtetasin Edmond ramushi 50-vjeç. referuar dyshimeve të para të grupit hetimor, ai i dha fund jetës për shkak të borxheve të shumta.
Njoftimi i policisë:
Më datë 04.1.2016, rreth orës 11:20, është marrë një telefonatë tek numri i emergjencave 112, se një shtetas ka hyrë në brendësi të Liqenit Artificial.
Menjëherë janë afruar shërbimet e Policisë, të cilët kanë gjetur trupin e pajetë në afërsi të Digës së Liqenit Artificial.
Grupi hetimor ka bërë të mundur identifikimin e viktimës, shtetasin E. R., 50 vjeç dhe po punon për zbardhjen e rrethanave të kësaj ngjarie.
Janë njoftuar polumbarët për nxjerrjen e trupit.
/a.m.
