Policia e Tiranës ka arrestuar një person i cili shpërndante lëndë narkotike pranë shkollave. Po ashtu, dy shtetas të tjerë u proceduan në gjendje të lirë.
“Më datë 28.03.2017, në bazë të Planit të Masave “Për parandalimin, zbulimin dhe goditjen e veprimtarisë kriminale të personave që shpërndajnë lëndë narkotike nëpër shkolla dhe ambientet pranë tyre”, nga Specialistët e Komisariatit të Policisë Nr.2 janë organizuar grupe kontrolli ku kanë ushtruar kontrolle në ambientet pranë disa shkollave të ndryshme në territorin që ky Komisariat mbulon”, njofton policia.
Si rezultat u bë e mundur kapja në flagrancë e shtetasit:
-Enis Muça, 24 vjeç, banues në Tiranë
Gjithashtu janë proçeduar në gjëndje të lirë shtetasit:
– A. B., 18 vjeç, banues në Tiranë.
– E. M., 20 vjeç, banues në Tiranë.
Në cilësinë e provës materiale janë sekuestruar, 2.4 gram me lëndë të dyshuar narkotike e llojt Cannabis Sattiva
Materialet i’u kaluan Prokurorisë pranë Gjykatës së Shkallës së Parë Tiranë për veprën penale të “Prodhimi dhe shitja e lëndëve narkotike”, parashikuar nga Neni 283 i Kodit Penal./a.m.
