Policia e Tiranës ka goditur një grup kriminal të akuzuar për një sërë vjedhjesh të kryera në kryeqytet. Në pranga kanë rënë Leon Deda, 20 vjeç, i dënuar për “Vjedhje”, Edmond Ndreca, 20 vjeç, dhe David Prela, 19 vjeç, që të tre banues në Tiranë,
Gjithashtu u bë shpallja në kërkim e shtetasve: 1-Xh.M, 19 vjeç, banues në Tiranë, 2-A.M, 18 vjeç, banues në Tiranë, sepse në bashkëpunim me njëri-tjetrin, gjatë natës kanë vjedhur banesën e shtetases F.C, 39 vjeç, banuese në Tiranë.
Nga hetimet e kryera rezulton se këta shtetas janë autor të disa vjedhjeve më datë 05.06.2015, më datë 29.05.2015, më datë 31.05.23015, më datë 02.05.2015, më datë 09.04.2015, më datë 18.04.2015, më datë 06.03.2015.
Ndalimi i personave të mësipërm u krye pasi këta shtetas dyshohen se në bashkëpunim me njeri-tjetrin në kohë të ndryshme kryenin vjedhje të vazhdueshme. Efektivët e Komisariatit nr 5 prej disa kohësh ishin nën mbikqyrje të këtyre shtetasve të cilët kryenin vjedhje në bashkëpunim me njeri-tjetrin deri në momentin e dokumentimit të plotë të aktivitetit të tyre kriminal.
Materialet proceduriale i kaluan Prokurorisë së Rrethit Gjyqësor Tiranë për hetime të mëtejshme.
