Kreu i Aviacionit Civil Krislen Keri ka bërë me dije firmosjen e marrëveshjes për fluturime tre herë në javë mes Tiranës dhe kryeqytetit saudit, të cilin gjithsesi e ka shkruar gabim duke i shtuar një “h” që nuk ekziston-Rihad, ndërkohë që është Riad.
“Një super lajm na vjen nga Rihadi- Arabia Saudite. Sapo miratuam të drejtat e trafikut për fluturime të kompanisë ajorer FLYNAS 3 herë në javë midis kryeqytetit Rihad dhe Tiranës sonë, duke filluar nga 19 maji 2020. Një mundësi shumë e mirë kjo për turizimin dhe komunitetet e të dy shteteve që jetojnë ose punojnë midis dy vendeve tona.
Këto fluturime do të realizohen për herë të parë falë koordinimit midis dy qeverive, ku në prillin e këtij viti u firmos marrëveshja e bashkëpunimit nga Ministrja Znj. Belinda Balluku dhe Presidentit të Flynas, Z. Bander Almohanna”, njofton në FB njeriu që drejton Aviacionin Civil, duke pasuar në këtë post gruan që sot drejton dikasterin e Tranportit e Infrastrukturës, pikërisht znj.Balluku.
Eshtë ky një avancim në afrimin e raporteve mes Shqipërisë dhe Saudisë, ku vetë kryeministri Rama ka vizituar disa herë vendin e fuqishëm arab, duke synuar sa më shumë investime prej atje.
