Një 49 vjeçar është arrestuar nga policia pasi prej vitesh kishte ngacmuar dhe kërcënuar me mesazhe elektronike përmes rrjeteve sociale dhe portaleve të tjera ish-të dashurës së tij. Në prangat e policisë ka përfunduar Kristaq Gjeçi, ndërsa arrestimi I tij u krye në kuadër të operacionit të koduar “Stalking”.
Sipas policisë, 49 vjeçari Gjeçi përmes mesazheve të dërguara synonte ta detyronte ish-të dashurën e tij me iniciale D.S që të vazhdonin lidhjen që kishin ndërprerë.
Policia bën me dije se në këtë mënyrë 49 vjeçari I ka shkaktuar të dëmtuarës një gjendje të vazhdueshme dhe të rëndë ankthi dhe frike për sigurinë vetjake me qëllim për t’a detyruar atë të vazhdonte një lidhje të ndërprerë.
Gjithashtu, i ndaluari ka krijuar në mënyrë të paligjshme profile në rrjetet sociale në Internet në emër të të dëmtuarës duke shkelur të drejtat personale dhe të privatësisë së saj.
Në ngarkim të Kristaq Gjeçi, u kryen veprimet proceduriale për veprat penale “Ndërhyrje të padrejta në jetën private” dhe “Përndjekja”.
Redaksia Online
(Javanews.al)
