Policia rrugore e Tiranës do të patrullojë me 11 mjete ekologjike që punojnë pa karburant dhe nuk ndotin ambientin. 11 mjetet janë “Volkswagen Hybrid 7” me motor elektrik. Burime pranë Ministrisë së Brendshme thanë se ky është një projekt pilot që do të nisë në Tiranë. Tashmë ka nisur trajnimi i disa efektivëve të policisë, për të mësuar mënyrën si funksionon makina, për ruajtjen e sigurisë së saj apo si të veprojnë në rast defekti.

Shqipëria bëhet vendi i parë në rajonin e Ballkanit dhe i 10-i në Europë, që fut në përdorim automjetet elektrike.

Këto mjete janë ekologjike për ambientin pasi nuk çlirojnë gazra, por janë shumë më të shtrenjta se një makinë normale me karburant.

Energjinë, makinat ekologjike e marrin nëpërmjet një baterie e cila rikarikohet me energji elektrike. Këtë risi e ka reklamuar edhe ministri i Brendshëm nëpërmjet një video të postuar në Facebook.

BW/d.i.