Është zbardhur ngjarja e ndodhur mbrëmjen e djeshme në kryeqytet, ky një 34-vjeçar është plagosur me armë zjarri. Sipas policisë, mbrëmjen e djeshme rreth orës 21:25, në rrugën “Teodor Keko” tek sheshi “Shqiponja” një person ka qëlluar me armë zjarri ndaj një personi që lëvizte me makinë. Disa orë pas ngjarjes, policia ka identifikuar dhe ka shpallur në kërkim autorin e dyshuar, shtetasin me inicialet T.A., 37 vjeç, banues në Tiranë.
“Rreth orës 21:25, në rrugën “Teodor Keko”, dyshohet se ka qëlluar me armë zjarri në drejtim të mjetit tip ”Volkswagen”, të drejtuar nga shtetasi B. B., 34 vjeç, banues në Kamëz, ku për pasojë është plagosur në këmbë, drejtuesi i mjetit B.B., i cili pas mjekimit në spital u largua në banesë”, thuhet në njoftimin e policisë.
Sakaq, materialet në ngarkim të tij i kaluan Prokurorisë se Rrethit Gjyqesor Tiranë për veprat penale “Vrasje me paramendim” kryer në bashkëpunim, mbetur në tentative, “Prodhim e mbajtje pa leje e armeve luftarake dhe e municion”.
