Një besimtar i fesë islame kishte frekuentuar medresënë e Tiranës për tu falur, por pasi ka përfunduar zakonet fetare është ulur në tapetin e medresesë.
Teksa qëndronte ulur, ai është shtrirë për disa minuta por e ka zënë gjumi.
Adritaik Mustafa kur është zgjuar nga gjumi ka parë se telefoni i tij mungonte.
Vjedhja e telefonit është realizuar nga shtetasi Emra Male, i cili është dënuar me 6 muaj burg.
Nga shqyrtimi gjyqësore ka rezultuar se, më datën 7 korrik 2016 në komisariatin e Policisë nr.4, Tiranë është paraqitur shtetasi Adriatik Mustafa, i cili ka bërë kallëzim penal për faktin se më dt 6 korrik 2016, rreth orës 17.00, ka shkuar në ambientet e brendshme të xhamisë tek Medreseja, në rrugën e Dibrës dhe pasi është falur, është shtrirë në ambientet e brendshme për të pushuar ku dhe e ka zënë gjumi.
Pasi është çuar, rreth orës 19.00 ka konstatuar se i mungonte telefoni celular, të cilin e kishte lënë në tapet. Më pas atje ka ardhur një prej besimtarëve, shtetasi Elert Kulli dhe të dy kanë parë kamerat që monitorojnë ambjentin ku kanë konstatuar një djalë të moshës rreth 20-25 vjec, i gjatë 1.70 cm, i racës rom i cili duket që ka vjedhur celularin.
Adriatiku shpjegon se celulari ishte i markës Samsung note S6, me ngjyrë gold, me kamer, të cilin ja kishte falur një shoku i tij.
Të nesërmen më 7 korrik 2016 Elerti, shoku i Adriatikut ka qenë duke pirë kafe afër xhamisë së “Dine Hoxhës”,që ndodhet tek rruga e Kavajës dhe në këtë çast ka parë personin i cili një ditë më përpara kishte vjedhur telefonin dhe ai e kishte parë në kamera.
Menjëherë ka njoftuar policinë si dhe ka kapur personin deri sa ka ardhur policia, e cila e ka shoqëruar në komisariat. Gjatë kësaj kohe ai ka komunikuar me këtë person i cili e ka pranuar faktin se e ka vjedhur ai telefonin dhe kete e kishte shitur tek dollari kundrejt 80 mijë lekë të vjetra./report tv/a.k
