Një ngjarje e rëndë kriminale ka ndodhur në zonën e Selitës në Tiranë ku janë plagosur me armë zjarri dy persona.
Ngjarja e rëndë ka ndodhur pranë ish-stacionit të fundit të Tiranës së re. Burimet nga policia bëjnë me dije se njëri prej të plagosurve është pronari i një lokali në zonën ku ndodhi konflikti. Ky shtetas ka jetuar në Holandë dhe është kthyer në Shqipëri kohët e fundit.
Sipas policisë, njëri prej të plagosurve është shtetasi Gjon Pelivani 27-vjeç. Ai ka marrë një plumb në këmbë dhe është jashtë rrezikut për jetën.
I plagosuri tjetër është shtetasi Renato Hoxha 31-vjeç. Ky i fundit ndodhej rastësisht në vendin e krimit. Raportohet se edhe ky shtetas është jashtë rrezikut për ngjarjen.
Raportohet se ngjarja ka ndodhur pas një konflikti mes dy grupeve. Lidhur me ngjarjen janë shpallur në kërkim 4 persona. Raportohet se personi që ka përdorur armën është identifikuar dhe bëhet fjalë për një shtetas me inicialet A.M.
Policia ka shkuar në vendgjarje dhe ka nisur veprimet për kapjen e autorëve të krimit./a.m.
