Policia e Tiranës ka marrë njoftim për një pako të dyshimë në një biznes në Tiranë. Raportimi është bërë nga pronarja e biznesit, një dyqan rrobash i ndodhur në rrugën “Petro Nini Luarasi”, në zonën e Tregut Elektrik.
Në vendngjarje ka shkuar policia e cila rrethoi perimetrin e sigurisë. Pas verifikimeve të kryera nga forcat xheniere rezultoi se pakoja kishte një sasi eksplozivi të paaktivizuar.
Tritoli ishte vendosur në dyqanin në pronësi të shtetases Bruneta Aliaj 50-vjeçe. Kësaj shtetaseje i kishin vendosur eksploziv edhe 5 muaj më parë në automjet.
Tritol makinës para 5 muajsh, dyshimet e gruas:
Bruneta Aliaj është 50-vjeçarja që iu vendos tritol në dyqanin e saj ndërkohë mjeti i saj u dëmtua me eksploziv 5 muaj më parë panë Prokurorisë së Përgjithshme. Aso kohe ajo tha se nuk ka konflikt me njeri, përveç disa mosmarrëveshjeve me ish-bashkëshortin e saj.
“Kur dëgjova shpërthimin isha në shtëpi dhe nuk e dija që ishte makina ime. Nuk kam konflikt me njeri. Vazhdimisht probleme kam pasur me ish-bashkëshortin, me të cilin jam divorcuar prej vitesh. Përveç konflikteve me të, nuk kam probleme me njerëz të tjerë”, u shpreh Bruneta Aliaj në dëshminë e saj në Polici.
Bruneta Aliaj ka një djalë që jeton në Angli, ndërkohë që banon e vetme në një banesë pranë Prokurorisë së Përgjithshme.
