Policia ka zhvilluar një operacion antidroge ditën e sotme në Tiranë, duke vënë në pranga katër persona. Operacioni i koduar “Start 2” u finalizua me arrestimin e shtetasve: Lorenc Bacelli, 37 vjeç, banues në Tiranë; Marius Ali, 26 vjeç, banues në Tiranë.; Albi Luca, 27 vjeç, banues në Tiranë; Rubin Përzhita, 26 vjeç, banues në Tiranë.
Arrestimi i këtyre shtetasve u bë pas një hetimi disa mujor ku në cilësinë e provës materiale janë sekuestruar: Një automjet tip “Mitsubishi” me targa AA 260 IN; Një motor tip papaq pa targa; 2 biçikleta; Shuma prej 20.000 lekësh të reja , 100 euro; Sasia prej 11.6 gramë lëndë narkotike e dyshuar heroinë e ndarë në 27 porcione; Sasia prej 2.2 gramë lëndë narkotike e dyshuar kokainë e ndarë në 11 porcione; Sasia prej 30 gramë lëndë narkotike e dyshuar si kanabis sativa e ndarë në 15 porcione; Fara bime kanabis sativa , gjithsej 120 kokrra (fara); 20 karta sim të kompanive celulare të ndryshme dhe 11 aparate celulare të markave të ndryshme.
