Një aksident i rëndë me pasojë vdekjen e një 47-vjeçareje ka ndodhur gjatë orëve të pasdites në Tiranë. Ngjarja e rëndë ka ndodhur në vendin e quajtur “Ura e Peshkatarit”.
Një automjet tip Benz ML ka përplasur për vdekje një banore të zonës , shtetasen me inicialet F.S.
Policia ka mbërritur në vendnagjarje dhe ka nisur veprimet për zbardhjen e plotë të ngjarjes. Policia raporton se shkatari i aksidentit u largua pas ngjarjes por u prangos pranë urës së Farkës. Uniformat blu prangosën 27-vjeçarin Bledar Duka.
NJoftimi i policisë:
Rreth orës 18:46, pranë rreth rrotullimit të Mulletit, shtetasi B. D., 27 vjeç, duke drejtuar automjetin tip “Mercedes Benz”, ka aksidentuar shtetasen F. S., 47 vjeçe, e cila si pasojë e goditjes ka gjetur vdekjen e menjëhershme. Drejtuesi i automjetit është larguar nga vendi i ngjarjes.
Shërbimet e qarkullimit rrugor kanë bërë të mundur identifikimin dhe kapjen në kohë rekord të drejtuesit të mjetit, i cili është shoqëruar në ambientet e Komisariatit për kryerjen e veprimeve proceduriale ndaj tij.
Grupi hetimor në vendin e ngjarjes po punon për sqarimin e plotë të rrethanave të ngjarjes.
/a.m.
