Një e moshuar 82-vjeçare është grabitur për muaj me radhë nga një 57-vjeçare, por ka arritur të zbulojë krimin vetëm pasi është gjendur para llogarisë së boshatisur në bankë.
Policia e Tiranës procedoi penalisht 57-vjeçaren me inicialet V.Ç.
Në periudhën nga gushti deri në dhjetor 2015, ajo dyshohet se i ka grabitur të moshuarës me inicialet K.P. plot 840 mijë lekë të reja.
Paratë janë marrë nga llogaria e të moshuarës disa herë nga ku janë tërhequr shuma të ndryshme.
Por si arriti të grabiste paratë personia e proceduar nga policia.
57-vjeçarja dyshohet se e mashtronte përmes shërbimeve gruan e moshuar e cila ishte e pamundur fizikisht.
Mes mashtrimeve, ajo kishte mundur ti merrte asaj edhe kartën e bankomatit, duke i thënë se do bënte blerje që i nevojiteshin për kujdesin ndaj të moshuarës.
Por, sa herë që merrte kartën, gruaja 57-vjeçare përvetësonte para dhe nuk i përdorte për kujdesin ndaj të moshuarës.
Sapo u zbulua, ajo u padit dhe tashmë policia ka çuar dosjen në prokurori për veprime të mëtejshme.
/Javanews.al
